ਭਾਰਤੀ ਹਵਾਈ ਸੈਨਾ ਨੇ ਆਪਣੇ ਨਿਸ਼ਾਨੇਬਾਜ਼ ਵਾਪਸ ਬੁਲਾਏ

ਨਵੀਂ ਦਿੱਲੀ – ਵਿਸ਼ਵ ਕੱਪ ਦੇ ਨਿਸ਼ਾਨੇਬਾਜ਼ੀ ਵਿੱਚ ਹਿੱਸਾ ਲੈ ਰਹੇ ਭਾਰਤੀ ਹਵਾਈ ਸੈਨਾ ਦੇ ਨਿਸ਼ਾਨੇਬਾਜ਼ ਰਵੀ ਕੁਮਾਰ ਅਤੇ ਦੀਪਕ ਕੁਮਾਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉਨ੍ਹਾਂ ਨੂੰ ਭਾਰਤੀ ਹਵਾਈ ਸੈਨਾ ਨੇ ਵਾਪਸੀ ਕਰਕੇ ਡਿਊਟੀ ਉੱਤੇ ਤਾਇਨਾਤ ਹੋਣ ਲਈ ਹੁਕਮ ਭੇਜੇ ਹਨ। ਇਹ ਇੱਕ ਨਿਯਮਿਤ ਪ੍ਰਕਿਰਿਆ ਹੈ ਪਰ ਭਾਰਤ ਤੇ ਪਾਕਿਸਤਾਨ ਦੇ ਵਿਚਕਾਰ ਤਣਾਅ ਦੇ ਮੱਦੇਨਜ਼ਰ ਉਹ ‘ਪ੍ਰੋਟੋਕਾਲ ਦੇ ਅਨੁਸਾਰ ਇਸਤਰ੍ਹਾਂ ਦੇ ਹੁਕਮਾਂ’ ਦੀ ਉਮੀਦ ਕਰਦੇ ਹਨ। ਵਿਸ਼ਵ ਕੱਪ ਵਿੱਚ ਕਾਂਸੀ ਦਾ ਤਗ਼ਮਾ ਜੇਤੂ ਰਵੀ ਨੇ ਕਿਹਾ ਕਿ ਉਨ੍ਹਾਂ ਦੇ ਨਾਲ ਹਵਾਈ ਸੈਨਾ ਖੇਡ ਉਤਸ਼ਾਹਤ ਬ ਬੋਰਡ ਦੇ ਸਕੱਤਰ ਨੇ ਗੱਲਬਾਤ ਕੀਤੀ ਹੈ। ਹਵਾਈ ਸੈਨਾ ਦੇ ਜੂਨੀਅਰ ਵਰੰਟ ਅਧਿਕਾਰੀ ਨੇ ਕਿਹਾ ਕਿ ਉਹ ਲੋੜ ਪੈਣ ਉੱਤੇ ਸਰਹੱਦ ਉੱਤੇ ਜਾਣ ਲਈ ਤਿਆਰ ਹੈ। ਦੋਵੇਂ ਨਿਸ਼ਾਨੇਬਾਜ਼ ਫਾਈਨਲ ਵਿੱਚ ਥਾਂ ਨਾ ਬਣਾ ਸਕਣ ਬਾਅਦ ਸ਼ੂਟਿੰਗ ਰੇਂਜ ਛੱਡ ਕੇ ਆਪਣੀ ਫਰਜ਼ਾਂ ਨੂੰ ਨਿਭਾਉਣ ਲਈ ਹਵਾਈ ਸੈਨਾ ਵਿਚ ਡਿਊਟੀ ਲਈ ਚਲੇ ਗਏ ਹਨ।